Indietro

ⓘ Servizzi feroviari suburban de Milan. El servizzi feroviari suburban de Milan a lè on sistema de strapòrt publegh local de larea metropolitana milanes. Al sette ..



Servizzi feroviari suburban de Milan
                                     

ⓘ Servizzi feroviari suburban de Milan

El servizzi feroviari suburban de Milan a lè on sistema de strapòrt publegh local de larea metropolitana milanes. Al settember del 2016 a lera componnuu de 12 lign, 11 gestii da Trenord e vona gestida da onassociazion temporanea de impres fada-sù da Trenord e l Azienda Trasporti Milanesi.

La red la conliga i center de larea metropolitana e la cittaa de Milan indoe a ghhinn interscambi cont i treni a media e longa percorrenza, la metropolitana e i lign urban de l ATM.

El center del servizzi a lè l passant feroviari, ona galeria che la traversa la cittaa da nord-ovest a est, indoe a passen i "lign S" cont ona freguenza de ses megnuu. El passant el gha el compit de distribuì i passegger in su tuta la red metropolitana e i lign che a hinn insu la superficia. La stazion cont el pussee grand numer de lign, indue se poden fà pussee scambi de lign a lè la stazion de Milan Porta Garibaldi: chì a passen vott di vundes lign del servizzi.

I orari a hinn tucc cadenzaa e simmetrigh.

                                     

1.1. Red Linia S1

La linia S1 del servizzi feroviari suburban de Milan la conliga Saronn a Lod, a travers la cittaa de Milan dent el Passant feroviari de Milan. El servizzi el vegn efettuaa da Trenord. I treni de la linia S1 a hinn regolaa a freguenza de mezzora, e entermettuu indel tocch da Saronn la Bovisa cont i treni de la S3.

                                     

1.2. Red Linia S2

La linia S2 la conliga Seves a Rogored, percorend on tocch de la ferovia Milan-Ass e a travers la cittaa de Milan dent el passant feroviari de Milan. Domà duu tren, in di or de ponta de la matinna, a ghhann comè capo-linia de partenza la stazion de Marian. I treni de la linia S2 a hinn regolaa a freguenza de mezzora esclus la matinna, foeura di or de ponta, e entermettuu indel tocch da Seves la Bovisa cont i treni de la S4, inscì da avegh quater tren per ora. El servizzi a lè efettuaa domà in di dì de lavô, esclus el sabet; la sira el servizzi a lè sostituì da i lign S1, S4 e S13

                                     

1.3. Red Linia S3

La linia S3 la conliga Saronn a Piazzal Cadorna, percorend la ferovia Milan-Saronn, che a lè la pussee vegia de tuta la red di Ferovii Nord Milan. I treni de la linia S3 a hinn regolaa a freguenza de mezzora, e entermettuu indel tocch da Saronn la Bovisa cont i treni de la S1, inscì da avegh quater tren per ora. La sira la linia chì la sostituiss la S1 insula banda istessa.

                                     

1.4. Red Linia S4

La linia S4 la conliga Camnagh-Lentaa a Piazzal Cadorna, percorend on tocch de ferovia Milan-Ass de Ferrovienord. I treni de la linia S4 a hinn regolaa a freguenza de mezzora, e entermettuu indel tocch da Seves la Bovisa cont i treni de la S2, inscì da avegh quater tren per ora. La sira la linia chì la sostituiss la S2 insula banda istessa.

                                     

1.5. Red Linia S5

La linia S5 la conliga Vares a Trevij a travers la cittaa de Milan. I convoj percorend el passant feroviari de Milan e i ferovi Pòrto Ceresi-Milan e Milano-Trevij. Dal 2008 la linia a lè gestida dona ATI fada-sù da Trenord e ATM. Indela banda Rò - Trevij i servizzi a hinn entermettuu a chei de la linia S6, inscì da avegh quater tren per ora.

                                     

1.6. Red Linia S6

La linia S6 la conliga la stazione de Noara a chella de Trevij. El servizzi a lè efettuaa da convoj Trenord che percoren la ferovia Torin-Milan, el passant feroviari de Milan e la ferovia Milan-Venezia. El servizzi el finiss indela stazion de Trevij domà indelora de ponta, menter foeura di chì orari chì i treni a vengnen fermaa a Pioltell-Limed. Indela banda Rò - Trevij i servizzi a hinn entermettuu a chei de la linia S6, inscì da avegh quater tren per ora.

                                     

1.7. Red Linia S7

La linia S7, fada comenzà dal 14 desember 2014, la conliga la stazion de Lecch a chella de Milan Porta Garibaldi a travers Moltee con ona via desferenziada da la linia S8 che la fà el servizzi intra i cap-linia istess. La percor la linia Monscia-Moltee e on tocch de la linia Comm-Lecch. La S7 a lè, a bon cunt, el potenziament del servizzi regional Milan-Moltee-Lecch che l ghera prima, estes anca indi dì de festa cont on orari regolaa a ognora. I servizzi a ghann freguenza de onora, cont on quaj rinforz la mezzora on quaj period de ponta.

Indel marz 2015 a lè stada progetada la costrusion de la noeuva fermada Monscia Est Parch - che la sarà a circa mezza strada intra i stazion de Monscia Sobborghi e La Santa - che a lè preveduu che la sarà dervida per el 2016.

                                     

1.8. Red Linia S8

La linia S8 la conliga la stazion de Lecch a chella de Milan Porta Garibaldi percorend la linia Milan-Carnaa-Lecch. I servizzi a ghann cadenza oraria foeura di or de ponta de la matinna de mezzora indel rest de la giornada.

                                     

1.9. Red Linia S9

La linia S9 la conliga Saronn a Albairaa. A lè stada, in vorden de temp, la prima linia suburbana a intrà minga indel passant feroviari. I convoj a percoren i lign Saronn-Seregn, Ciass-Milan, la linia de cintura milanes, la cintura sud e la linia Milan-Mortara. Grazie a listituzion de la linia S9, la cintura sud a lè tornada, depos 10 agn, a vess anmò servida di treni in servizzi local. La S9 la se entermett la S11 intra i stazion de Seregn e Grech Pirelli, inscì da avegh on tren ogni quindes megnuu fin ai vott or de la sira.

                                     

1.10. Red Linia S11

La linia S11 la conliga la stazion de Ciass a chella de Rò, percorend la ferovia Milan-Ciass, a travers i cittaa de Comm, Seregn, Monscia e Milan. La S9 la se entermett la S11 intra i stazion de Seregn e Grech Pirelli, inscì da avegh on tren ogni quindes megnuu fin ai vott or de la sira. La linia S11 a lè stada slongada el 26 april 2015 da Milan Porta Garibaldi a Rò in ocasion de linizzi de Expo 2015. Dal primm de noember, la fin de la manifestazion, in di dì de lavô, esclus el sabet, la suguterà a andà fin la stazion de Rò, menter el sabet e i dì de festa la tornerà a attestass la stazion de Milan Porta Garibaldi.

                                     

1.11. Red Linia S12

La linia S12, attivada in del 2016, la conliga la stazione de la Bovisa la stazion de Meregnan, a travers la cittaa di Milan dent el passant feroviari. A lè attiva cont duu cobbi in di dì de lavô. Al di dincoeu, el ghè el progett de aumentà el numer de tren de chesta linia chì e anca de slogala, prima finn la stazion de Corman-Cusan e poeu finn a Vared.

                                     

1.12. Red Linia S13

La linia S13 la conliga la stazion de la Bovisa la stazion de Pavia, percorend el passant feroviari e la ferovia Milan-Pavia. La linia S13 a lè nassuda comè slongament de la vegia linia S10, che la conligava la Bovisa a Rogored.

                                     

1.13. Red Linia S10

La linia S10, attiva dal 2004 al 2011, la conligava la stazion de Rogored cont la stazion de la Bovisa. A lera ona linia de rinforz per tucc i lign che passaven indel passant feroviari. A lè stada slongada fin a Pavia cont el cambi dorari del 2011, e a lè stada renominada comè linia S13 inscì da minga andà a creà confusion cont la linia S10 del Canton Tesin in lottica de avè oninterazion di servizzi ferroviari in la region insubrega.

                                     

1.14. Red Linia S14

La linia S14 la conligava, per el period de lExpo 2015, la stazion de Rogored cont la stazion de Rò, inscì da servì, specialment, la Stazion de Rò Fera, a servizzi de lesposizion universala. La linia la percoreva el passant feroviari, e la serviva comè rinforz a tucc i alter lign che a ghhinn per i conligament intra la cittaa de Milan e l loeugh espositiv. El servizzi a lè staa efettuaa tucc i dì a cadenza de mezzora, per tuta la durada de lesit.

                                     

2.1. Stòria Princìpi

Depos a lavertura de la prima banda del passant feroviari de Milan, da la Bovisa a Porta Venezia el 21 desember 1997, el Grupp Ferovie Nord Milan ha creaa on servizzi metropolitan, regolaa cont ona freguenza de quindes megnuu, che lè diventada de dees menutt a partì dal 22 mars.

El 30 magg 1999, a lè staa dervii el tocch da la stazion del Vial Lancetti la stazion de Certosa inscì che lera possibel el conligament cont la red FS; al temp istess i treni metropolitan a hinn staa slongaa vers Vares a travers la Certosa, vers Saronn e vers Seves a travers la Bovisa.

El 30 giugn 2002 el passant lè staa slongaa da Porta Venezia finna a Piaza Dateo e a lè stada dervida la stazion de Villapizzon in su la banda de la Certosa.

                                     

2.2. Stòria I Lign S

El nomm "servizzi feroviari suburban" lè staa doperaa formalment per la prima voeulta el 12 desember 2004, el dì istess de lavertura de lultem tocch del passant feroviari, fin a Porta Tosa.

A hinn staa creaa sett lign S: a hinn staa nomeraa i conligament che a gheren gemò e la freguenza a lè stada regolada a messora. I lign a eren:

  • Marian ↔ Bovisa ↔ Milan Porta Vittoria FNM
  • Nuara ↔ Certosa ↔ Milan Porta Vittoria TI
  • Vares ↔ Gallaraa ↔ Certosa ↔ Milan Porta Vittoria ↔ Pioltell-Limit TI
  • Saronn ↔ Bovisa ↔ Milan Porta Vittoria FNM
  • Bovisa ↔ Milan Porta Vittoria FNM
  • Seves ↔ Bovisa ↔ Milan Cadorna FNM
  • Saronn ↔ Bovisa ↔ Milan Cadorna FNM

El sucesiv 24 desember lè stada istuida la linia, gestida da TiLo cont ona freguenza de onora, in su on percors completameent noeuv, fora dal passant feroviari.

El servizzi suburban chì el doveva vess diveers dal servizzi regional, ispiraa la RER de Paris e a i S-Bahn di cittaa todesch, sguizzer e austriach.

I primm progett dagn Votanta a voeureven fà passà in del passant tucc i sistem, regionaj e suburban il passant lera infatti ciamaa "comprensorial". Pussee taard, però, per minga creà tropp trafich in del passant, a sè deciduu de fà passà minga i treni regionai chì ghinscì ma de lassaj in di stazion de coo.

I lign S dent el passant a riven a avegh ona freguenza media totala de sees megnuu per direzzion.



                                     

2.3. Stòria Cronologia del desvilupp de la red

Desvilupp de la red in di agn

2005
  • El 5 de settember a hinn staa riorganizaa i servizzi seraj depos i noeuv or de sira e lè stada creada linscì ciamada "X de la Bovisa" che permeteven de smezaa i cors senza cambiaa i corrispondenz possibel in particolar, a hinn staa sopress i lign S4 e S1: tucc i mezzor on tren de la S2 e vun de la S3 se sarïen incontraa la Bovisa in su la stessa banchina inscì che i passegger podeven cambià el tren pussee fazilment. Cont el completament del passant feroviari e l slongament de la S1 a Lod, on quaj tren seral de la linia S2 lè staa slongaa a Lod: el tren chì a lè staa classificaa dumà "linia S".
2006
  • El 19 de giugn lè stada dervida la fermada de Vial Romul, servida da la linia S9, due ghè linter-scambi cont la linia M2 de la metropolitana.
  • El 19 de fevree ona quaj corsa de la linia S4 lè stada slongada da Seves a Camnagh, inscì che l podarïa vess possibel on inter-scambi cont i treni regionaj Milan-Ciass;
2008
  • A desember del 2008 a lè staa potenziaa el servizzi sora la ferovia Milan-Ciass: la linia S9 e al tren regional Milan-Ciass hinn staa cambiaa i orari inscì che ghe sarïen poduu vess tren tra Milan e Seregn a on intervall regolar durant tutt el dì;
  • El 14 desember la linia S10 la red celer ticines a lè stada slongada da Ciass a Albaa.
  • Cont el cambi dorari del 15 de giugn, i lign S1, S2, S6 e S10 a hinn staa slongaa da la stazion de Porta Vittoria a Rogored, inscì che l podarïa vess possibel on inter-scambi cont i treni regionaj e i treni nazionaj che vann a Genua, Bologna e Mantua;
  • A partì dal primm de luj la linia S5 ha scominciaa a vess gestida da lATI Trenitalia-LeNord-ATM ;
2009
  • Cont el cambi dorari, el 14 de giugn, a lè stada dervida la fermada de Pregnana, servida da la lignaa S6, cont fermada per domà vint tren al dì; l dì stess la stazion de Serenella lha cambiaa nomm in Garbagnaa Parch de le Groane;
  • El 22 de april a lè stada dervida la stazion de Rò Fera, servida di lign S5 e S6;
  • Cont el cambi dorari, el 13 de desember, a hinn staa attivaa duu lign S noeuv S8 e S11, menter a trii lign S lè staa cambiaa el percors e hinn staa potenziaa: la linia S1 a lè stada slongada foeura di orari de ponta fin a Lod, la linia S5 a lè stada slongada fin a Treì e la linia S6 lha desmetuu de andà a Rogored, ma da Porta Vittoria lè stada slongada fin a Pioltell-Limit e in di orari de ponta fin a Treì; al temp stess i treni che se fermaven Pregnana hinn staa redobbiaa.
2010
  • El primm de fevree duu cobbi de tren de la linia S10 a hinn staa slongaa da la Bovisa la stazion de Malpensa-Aeroport. Mudel:Cn;
  • El 13 de giugn la linia S1 a lè stada slongada da la stazion de Rogored a Lod, per tutt el dì da i ses or de la matinna a i noeuv or de la sera, e lè andada a sostituì el tren regional che l serviva la banda chì.
2011
  • El primm de magg a lè finii el procediment de fusion di duu societaa LeNord e Trenitalia in Trenitalia-LeNord, che l gha depos cambiaa el nom in Trenord e che ha scomincià a gestì i lign suburban;
  • El 26 de marz a lè stada sarada-su la vegia stazion de Affer, sostituida da ona noeuva stazion che la se troeuva visin la fermada de Affer FN de la metropolitana milanes: el deventava inscì possibel linter-scambi cont la linia M3 de la metropolitana e i lign suburban S2 e S4;
  • El 11 de desember a lè stada pientada-sù la noeuva linia S13 da la Bovisa a Pavia, che a lè andada a sostituì la linia S10, che invece a lè stada sopressa.
  • El 12 de giugn, la linia S9 a lè stada slongada da San Cristofen a Albairaa. Oltra, a lè stada dervida la stazion de Cesan Madernu lign S2 e S4, che a lè andada a sostituì la vegia.
2012
  • Cont el slongament de la S9, lè staa modificaa anca el servizzi seral de tant lign, in particolar quej che passen de Saronn e Cesan Madernu lign S1, S2, S3, S4 e S13.
  • El 9 de desember, la linia S9 lè stada slongada da la stazion de Seregn a Saronn, cont lavertura di noeuv stazion e fermaa de Barucana, Cerian-Soree, Cerian Groane e on tocch noeuv de la stazion de Cesan Madernu;
2013
  • El 9 de giugn a lè staa dervida la stazion de Piev, servida da la linia S13; el 22 del mes istess a lè stada dervida la noeuva fermada de Cesan Madernu Groane, servida da la linia S9;
  • Insemma al cambi de lorari, el 15 de desember i treni de la linia S4 che partiven o rivaven la stazion de Meda a hinn staa deviaa vers Camnagh; a partì dal dì istess, la lignaa S2 lè stada limitada a Seves, inscì che l sarïa deventaa possibel fà i lavor de potenziament infrastrutural de la ferovia Milan-Ass.
2014
  • Cont el cambi de orari del 14 desembre 2014, depos i lavor de renovament infrastruttural, a lè stada integrada in del servizzi suburban la linia feroviaria Lecch-Milan Porta Garibaldi via Moltee e a lè stada ciamada linia S7. Cont el nomm noeuv el servizzi a lè staa potenziaa cont tren cont la freguenza de onora. Cont el cambi dorari istess, alter duu tren de la linia S6 hann scominciaa a fermass a Pregnana, e la fermada di Rò Fera Milan ha cambiaa el nomm in "Rò Fera Expo Milan 2015".
  • El 25 de ottober a lè stada dervida la noeuva stazion de Bruzzan in sostituzion de la vegia, longh la linia S2 e S4;
2015 - prima de lExpo
  • In ocasion de EXPO Milan 2015 a lè scominciaa, el 26 de april, el potenziament del servizzi.La linia S2 ha scominciaa ancamò a fà tutt el sò percors, menter la linia S11 a lè stada slongada da Milan Porta Garibaldi a Rò. A lè stada, oltra, pientada-sù la noeuva linia S14 intra i stazion de Rò e Rogored. El dì istess a lè intraa in servizzi la noeuva stazion de Corman-Cusan Milanin, servida di lign S2 e S4, che ha sostituii i stazion de Corman-Brusô de Cusan Milanin;
  • El 9 de magg a lè stada, poeu, attivada la stazion de Forlanin, che permett linter-scambi tra i lign S5, S6 e S9.
2015 - depos lExpo
  • El 13 de desember la stazion de Rò Fera Expo Milan 2015 ha ciappaa el noeuv nomm de "Rò Fera".
  • A partì dal primm de noember 2015, subet depos la fin de Expo, el servizzio a lè staa depontenziaa. La linia S14 Rò-Rogored a lè stada sopressa comè l diseva el programm, menter la linia S11 a lè stada parzialment mandada-indree da Rò a Porta Garibaldi e dumà on tren su duu el va innanz fin a Rò, e dumà in di dì de lavô intra i sett or de la matinna e i noeuv or de la sira;
2016

A partì dal 12 de settember a lè stada pientada-sù la linia S12 che la conliga la stazion de Meregnan a chella de laBovisa a travers el passant feroviari de Milan.



                                     

3. Servizzi

Mezz doperaa

Per i servizzi hinn doperaa:

  • Carrozza Vivalto
  • TAF
  • TSR
  • Carrozza 2P
  • Composizion con Locomotiva FS E.464
  • Carrozza PR
  • Autotreno TN ATR 115
  • Autotreno TN ATR 125

Biliett

Per viaggià sora i lign del servizzi feroviari suburban de Milan a lè sufficient comprà on biliett putost che on abbonament feroviari varid per quel tocch emetuu da Trenord. Per i viagg tra i stazion in del comun de Milan a hinn varid i biliett putost che i abbonament urban, anca se hinn staa emetuu da lATM.

A partì dal primm de fevree del 2011 a hinn intraa in vigor i noeuv tariff integraa, ciamaa IoViaggio Ovunque in Lombardia, che permetten de viaggià in su tucc i mezz de straport de la Lombardia cont on prezz fiss. Labonament chì el pò vess giornalier, pluri-giornalier duu, trii putost che sett dì, mensil, trimestral putost che annual.



                                     

4.1. Progett Progett futur

I progett futur, anca se dichiaraa publegament, ghhann anmò minga ona scadenza certa.

  • Quadruplicament Monscia - Ciass inscì da podè avè sora la ferovia istessa sia i treni di lign S9 e S11 e i treni regionaj, longa-distanza de mercanzii.
  • Pientament don conligament dirett Milan Central - Rò Fera - Malpensa, pensaa per lExpo 2015 e da fass depos el quadrupliament Rò - Parabiai.
  • Mudament de la linia R Milan Porta Garibaldi - Carnaa - Bergom in linia S18 con la Stazion de Bergom Ospedaa; slongament da Porta Garibaldi la Bovisa del capo-linia e mandà-indree lalter da Bergom a Paderno dAdda e piantament don servizzi regional per i fermad in mezz.
  • Avertura di fermad Monscia Est longh i lign S7, S8 e S18 e Monscia Ovest longh i lign S9 e S11.
  • Pientament de la linia S16 Albairaa - San Cristofen - Lambraa - Rò.
  • Avertura de la noeuva fermada de San Giulian Zivid, longh la linia S1.
  • Radobbi Seves - Camnagh longh la linia S4 e avertura de la noeuva fermada in mezz de Barlassina e radobbi Seves - Meda longh la linia S2.
  • Costrusion de la stazion de Nervian, intra Parabiai e Vanzagh-Pojan, da fass depos el quadruplicament Rò - Parabiai.
  • Slongament de la linia S8 la Bovisa; mandà-indree el capo-linia da Lecch a Cernusch-Meraa, e pientament don servizzi regional per i fermad in mezz.
  • Fin del quadruplicament Rò - Parabiai e del triplicament Parabiai - Gallaraa efettuazion lavô bloccaa da ona sentenza del Consej de Stat e posticipaa a datta da definiss anmò.
  • Slongament de la linia S13 da la Bovisa a Saronn.
  • Costruzion del binari trii intra Affer e Corman-Cusan Milanin e pientament de la linia S12 intra i stazion de Corman-Cusan Milanin e Meregnan.
  • Mandà-indree l capo-linia de la linia S9 da Albairaa a San Cristofen e slongament da Saronn a Busti Grandi.
  • Avertura di noeuv fermad de Milan Tibaldi, Milan Porta Romana chesta chì in sostituzion de chella che la ghè giamò, longh la linia S9.
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →