Indietro

ⓘ Corona Ferrea de Lombardia. La Corona Ferrea de Lombardia, in latin Corona Ferrea Langobardiæ, lè insema una preziosa reliquia e una dei plu antige insegne reai ..



Corona Ferrea de Lombardia
                                     

ⓘ Corona Ferrea de Lombardia

La Corona Ferrea de Lombardia, in latin Corona Ferrea Langobardiæ, lè insema una preziosa reliquia e una dei plu antige insegne reai de la cristianitaa.

Lè staita fabricada ind el Volt Medioev, e lè componida de ses plaqe dor fissade a un circol darjent, qe segond la lejenda al saress fait del ferr de un ciod de la Vera Crox.

La corona lè deventada vun dei simboi del Regn Lombard e plu tarde del Regn dItalia medieval. Lè conservada ind el Dom de Monça.

                                     

1. Descrizion

La corona la misura 15 cm de diameter e 5.5 cm de alteza; la pisa 535 gram. Lè faita in lega darjent e dor al 80% circa, e lè componida de ses plaqe tegnide insema con dei cerniere verticale. La gha 26 rose dor a sbalz, 22 jeme de divers color e 24 plaqete floreale faite de smalt cloisonné. I jeme rosse i è granads, qelle viola i è ametiste, qelle blœ scur i è corindon. I oltre decorazion i è de pasta de veder. A lintern gè un circol de metall, qe la tradizion la vœl fait col ferr de un ciod de la Crox; inscambe, lè darjent. La corona lè trop picola per star sul coo de un om, donca lè probabel qe in orijen la fœss componida de vot plaqe inscambe de ses.

Al dé dincœ la corona lè tegnida ind una cassafort con do porte. La teca de veder lè staita donada de lUmbert I ind el 1885. Laltar dedegad ind el Dom ind la Capella de la Teodolinda lè stait realizad del Luca Beltrami ind el 1895-96.

                                     

1.1. Descrizion Ipotesi su la forma orijenala

I è staite formulade plu ipotesi per spiegar ol perqè la corona al dé dincœ lè trop picola per vesser portada sul coo. Vergun al pensa qe in orijen la fœss adoma una corona votiva.

Segond la recostruzion de la Valeriana Maspero, in orijen la corona montada su lelm de Costantin la ghiva vot plaqe in lœg de ses, plu una granda centrala ind la qual la gera una sqeia de la Vera Crox. Lera tacada a lelm con do arqets de ferr ricavads de un ciod de la Crox. I plaqe i ghera adoma la jema centrala come spœl veder in una quai moneda romana cond el ritrait del Costantin con lelm sul coo. Qeste carateristege qé i è staite trovade anc in do corone descoverte ind el XVIII secol a Kazan, in Russia: lè probabel qe anc la Corona Ferrea la fœss œvra de oreves orietai.

I lastrine colorade e i oltre prede i è staite jontade de probabel del Teodorig, qe lha anc montad la corona su un olter elm. Plu tarde ol Carl Magn lhavress fait sostituir dei lastrine qe i era ruvinade. Lesam al C-14 fait su do toqellin de smalt a nha datad vun ind el 500 e lolter ind el 800. Laspet de la corona dop del restavor carolinj lè testimoniad dei documents de lincoronazion del Federig Barbarossa: lera plu montada in su un elm e la ghiva adoma un arqet, e la pudiva ancmò vesser portada sul coo.

I do plaqe qe i manca i saress staite robade quand qe la corona lera in pegn ai Umiliats, qe i la conservava ind el so convent de SantAgata indove adess gè piaza Carobbiolo a Monça. I documents qe i vegn despò del 1300 infait i la descriv come "picola". Ind el 1345 lè staita daita per un segond restavor a loreves Antellotto Bracciforte, qe al gha dait laspet de adess, con la jonta anc del circol darjent intern per rinforzar-la qe cond el passar dei secoi al sarà scambiad per ol ciod de la Crox.

Ind el Musee del Tesor de San Jenar lè esponida una recostruzion de laspet orijenare de lelm de Costantin, creada del Bruno Freddi a partir de la ricerca de la Valeriana Maspero.

                                     

2. Incoronazion

La Corona Ferrea lè staita dovrada per incoronar i Rex Langobardorum titol dovrad anc del Carl Magn e dei so sucessor. Donca la faxiva part de la Tripla Incoronazion del Sacro Roman Impero.

Ol storeg de Monça Bartolomeo Zuqi, qe al scriviva ind el 1600, lhiva contad 34 incoronazion fina a qell moment. Però i è miga tœte provade con dei documents storeg.

Qelle segure, dop dei sovran lombards, i è:

  • Ferdinand I dAustria
  • Federig Barbarossa 15 de avril del 1155
  • Arduin dIvrea 1002
  • Oton III
  • Enrig IV 1081
  • Carl Magn 800
  • Enrig VII de Lussemburg 1311
  • Carl V dAsburg 1530, a Bologna. Per far miga borlar jo la corona, lè staita dovrada una peruca a forma de conn)
  • Enrig VI 1186, in ocasion del sposalizi con Costanza dAltavilla
  • Carl IV 1355, al gera anc Francesco Petrarca
  • Napoleon I 26 de maj 1805. In qesta ocasion lha prononçad la fras: Dé al me lha daita, varda a qi l la toqerà!
  • Corrad III 1129
  • Sijismond de Lussemburg 1431
  • Corrad II 1024
  • Oton I


                                     

3. Bibliografia

  • IT Valeriana Maspero, La corona ferrea. La storia del più antico e celebre simbolo del potere in Europa, Monza, Vittone Editore, 2003. 9788888478098 Un brev sunt de la tesi del liber al pœl vesser lejid qé.
  • IT Francesco Antolini, Carlo Sigonio, Lodovico Antonio Muratori, Dei Re dItalia incoronati no con la Corona Ferrea, Tip. e Lib. Pirotta e c., 1838.
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →