Indietro

ⓘ I Legnanesi. El grüp lè stai cread par schers da Felice Musazzi ind al uratori de Lignarel, a Legnan ind al 1949. Par el mutiu che luratori lera apena maschil, ..



I Legnanesi
                                     

ⓘ I Legnanesi

El grüp lè stai cread par schers da Felice Musazzi ind al uratori de Lignarel, a Legnan ind al 1949. Par el mutiu che luratori lera apena maschil, ma ghera bisogn de recità anca una qual part da dona, i erun i stess om a travestiss.

E lè stai propi el travestiment a purtagh sücess: el risültad lera difati la satira dla tipica dona lumbarda. Grassie a quest, "I Legnanesi" i en divegnüd la püssè famusa cumpagnia teatral en travesti dItalia.

In urigin, i atur de I Legnanesi i erun miga di prufesiunista e i evun gnanca fai dle scole de teater. Ancasì, la diversa estrassion sucial, insema a un po de irunia in sü la vera prufession, i han iütad el grüp a fà di spetacul ancamò püssè ridicul.

                                     

1. Persunagg

I prutagunista dle cumedie de I Legnanesi i en i Colombo, na famija faia da tri persune: Teresa lè la dona de curtil interpretada in urigin da Felice Musazzi e adess da Antonio Provasio; Mabilia lè la fiöla che la laura in filanda, da semper de magiur età e gnamò spusada, interpretada in urigin da Tony Barlocco e adess da Enrico Dalceri; Giuan lè el marì chel fà luperari in funderia, interpretad allinissi da Carletto Oldrini e pö da Luigi Campisi. Tra i tri, quela che lè semper al center de tüt, par impurtansa e cumicità, lè la Teresa.

Cun el passà di stagion, el patheon di persunagg lè cressüd semper püssè el sè arichid de figüre che i ghàn uramai na part impurtanta in dla cumpagnia. Tra tüti, quela che lè diventada praticament imancabil lè la cüsina Pineta, interpretada da Alberto Destrieri, menter la Chetta, interpretada da Valerio Rondena, lè vüna di don dal curtil, antagunista dla Teresa che in de la sò version uriginal lera interpretada da Renato Lombardi.

Alter persunagg stabil i en el sindich intepretad da Giordano Fenocchio el prevost Don Pietro Cazzaniga interpretad da Danilo Parini.

La Carmela, la Mistica, la Rosetta, la Duina, la Maria e la Paolina, i en i alter don dal curtil, interpretade rispetivament da: Maurizio Albè, Giovanni Mercuri, Mauro Quercia, Daniele Chiodini, Mario Raimondi e Simone Pescatori.

Lambientassion tipica dle lur cumedie i en le classiche cà de ringhera lumbarde e la vita de curtil che la gira dinturnu ai persunagg.

                                     

2. Stil

In dal panurama teatral lumbard, I Legnanesi i en el grüp püssè impurtant, e vüna dle cumpagnie dialetai püssè cunussüde dItalia.

Le storie i cuntun di custüm e dle tradission de la lumbardia. Par quest i han decis de recità in legnanes, vün di dialet de linsübrich, anca se in di ültim temp, cun lubetiu da es cumprensibil anca de föra da la zona Galu Italica, el triu el dröva semper püssè un mistüron italu-insüber, cun una mudernisassion di test durigin del Musazzi, e cun linseriment de argument dal mument de pulitica nassiunal.

                                     

3. Curiusità

  • Par ricurdà el fundadù dla cumpagnia Felice Musazzi, la cità de Legnan lha miss de frunt al tribünal citadin un mascheron de bruns cun la facia dla Teresa ", persunagg simbul de latur. Tra i titul de le sò opere ricurdade in sül munüment, cun miga poche discüssion da part dle uturità giüdissiarie, lè staia tirada föra: Chi vusa püssé, la vaca lè sua!, mod de dì legnanes chel vör dì Chi vusa püssè el vens una causa ", cun ironich riferiment al sit de frunt al qual se tröva la statua.
  • I atur dla cumpagnia uriginal i han fai part dal cast dal film dal 1970, Splendori e miserie di Madame Royale, diret da Vittorio Caprioli cun prutagunista Ugo Tognazzi e Maurice Ronet.
  • Felice Musazzi el fà anca unaparission in dun toch dal film de Luchino Visconti, Rocco e i suoi fratelli.
                                     

4. El repertori

  • 1900 vòltas indré 1955
  • La scala è mobile 1987
  • Teresate 1956
  • Teresa e Mabilia show in famiglia 1961
  • Chi vusa pusé a vaca lé sua 1970
  • Miracolo a Legnano 1951
  • Lasciate che i pendolari vengano a me 1982
  • I lensö di ier e dincö 1966
  • Va la batèl! 1962
  • Va la batèl ca sèm sü tüti 1957
  • Un due tre. cìapal cal ghé 1977
  • E la bulèta la va la va. 1971
  • Teresa story 1972
  • Sem nasü par patì. e patèm 1950
  • Il cortile dei miracoli 1979
  • Oh vita oh vita straca 1969
  • Teresa di notte 1965
  • Va là tramvai 1988 miga miss in scena
  • Teresa degli spiriti 1967
  • Bu. cumé bulèta 1952
  • Tanti có tanti süch 1953
  • E un dì nacque Legnarello 1949
  • I pover crist superstar 1973
  • Fam füm frec e fastidi 1968
  • Fam füm e frec 1954
  • Regna la rogna 1974
  • Tela là la lüna 1959
  • Süch e melun a só stagiun 1960
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →